À Lettres À DES AMIS DE PARIS

À Lettres À DES AMIS DE PARIS

André-Jean VIDAL
Lisèt Chè,
A Marilis Penchard, mè Bastè, désidé fè tout séyans a konsèy minisipal a-y yenki lématen koté 9è. Poukisa ? É pouki non, i té pé réponn! Dayèpouyonn, i pa jenné-y pou fè moun konpwann i ka fè sa i vlé, lè i vlé.
Antouka, chanjman a lè-lasa - avan sé té sizèdswa - anrajé lopozisyon minisipal la kon kong , siwtou André Attalah, sosyalis-la ki kardyològ la, ki ka wousouvrè moun a lè-lasa lopital. É wi, tini moun ki ni on travay é ki ka kyenn fè travay-yo kon i dwètèt! Toutmoun pa « ansyen minis » . Ni an prérètrèt dayè!
Trak, lèt, menmsi Dòktè Attalah gonflé é gaz près ka toufé tousa pa sèvi ayen : madanm-lasa menm ki sé onpil fè é ki dwèt ka pwan plézi adan lanbara a lopozisyon, nofwap é ka rété si pozisyon a-y dotorité é défandi chanjé.
Dayèpouyonn, dènyé rényon la fèt komdifèt a lè-la i di la, èvè tout konséyé minisipal a-y ogardavou. É yo pwan désizyon...

Suivez l'info en temps réel
sur l'appli France-Antilles !

Télécharger